Lussu, un'Omine, una Vida - Oristano 12.06.2019
- Dettagli
- Categoria: Lussu
- Pubblicato: Martedì, 11 Giugno 2019 09:36
- Scritto da Super User
- Visite: 283
Un ricordo. Il giorno 9 giugno 1937 (lo stesso anno in cui morì nelle carceri fasciste Antonio Gramsci) furono assassinati a Bagnoles, in Francia, i fratelli Carlo e Nello Rosselli. Sicari fascisti francesi comandati dall'Italia.... Riporto alcune strofe dedicate al tragico misfatto, dal nostro ultimo libro, LUSSU, un'Omine, una Vida.
Vi aspettiamo all'UNLA (Oristano, via Carpaccio 9) alle ore 18,30. PER NON DIMENTICARE:
SA MORTE DE SOS FRADES ROSSELLI
726.
....Rosselli est in Bagnoles, Normandia,
si curat sa flebite isperanzosu,
unu centru termale primorosu
ue sanan bene cussa maladia,
benin a l’agatare, cussa ‘ia,
su frade Nello, semper premurosu,
e sa muzere Marion est inie,
l’at fatu cumpanzia calchi die.
727.
De lampadas su noe, a s’istazione,
acumpanzadu at Carlo sa muzere,
Nello est cun issu, e tenet praghere
de istentare ancora, est s’ocasione,
mancu lontanamente poden crere
ca los oretan cun mala intesione,
una pariga ‘e dies passu passu,
sighin a Carlo e Nello in cada zassu.
728.
No ischin ca pro issos an su fadu
in terra italiana istabilidu,
de inie est chi s’ordine est partidu,
e suni sos fascistas chi l’an dadu,
«Su capu de Gielle – ana pensadu –
det esser fatu foras e bochidu,»
e gai si sun fatos mandatarios
e an’agatadu in Francia sos sicarios.
729.
Torran in fatu, Carlo e Nello umpare,
car’a s’albergo, insoro residentzia,
fortzis no an notadu sa presentzia
de chie sighit a los pedinare,
s’idene gai, ingrundu, sorpassare,
si firmat sa vetura in d’una ‘ia,
nde falat Nello, luego est isparadu,
pois a istocadas agabbadu.
730.
Su frade tenet sa matessi sorte,
in d’unu buscu ambos che los ghetan,
si fuini luego, no isetan,
e torran a Parigi, curren forte,
a sos Rosselli dadu an sa morte,
ma ca est balentia non si cretan,
sos terroristas nd’an bochidu duos,
ma it’ana logradu a sos congruos?...
